काठमाडौँ । ठगी गरेको आरोपमा पूर्व इन्स्पेक्टरलाई प्रहरीले पक्राउ गरेको छ । नेपाल प्रहरीका पूर्व इन्सपेक्टर खिलबहादुर केसीलाई पक्राउ गरिएको महानगरीय प्रहरी परिसर काठमाडौंका प्रवक्ता (एसपी) रमेश बस्नेतले बताउनुभयो ।आफुले तिर्नुपर्ने रकम पैसा नभएको खाताको चेक दिएर उनले ठगेको आरोप छ ।
पुतलीसडकस्थित रेमण्ड शपका सञ्चालक सञ्जय अधिकारीसहित ५ जनाले उनीविरुद्ध बैंकिङ कसुरको उजुर गरेका छन् । प्रारम्भिक अनुसन्धानबाट केसीले ५ करोडभन्दा बढी ठगेको देखिएको एसपी बस्नेतले बताउनुभएको छ । सञ्जय अधिकारीलाई मात्र केसीले ४ करोड रकम तिर्नुपर्ने देखिएको छ । बानेश्वरबाट पक्राउ गरेर उनीमाथि प्रहरीले अनुसन्धान गरिरहेको छ । रातोपाटीबाट
प्रकाशित मिति: बुधबार, कात्तिक १०, २०७८ १२:४९
