एजेन्सी । युक्रेन र रुसबीच गहिरिँदो संकटलाई मध्यनजर गर्र्दै अष्ट्रेलियाले युक्रेनमा आफ्नो दूतावासका अधिकारी तथा कर्मचारीलाई त्यहाँबाट निकाल्ने निर्णय गरेको छ ।
केही कर्मचारी र अधिकारीलाई रोमानिया र पोल्याण्ड पठाइएको छ । विदेशमन्त्री मेरिस पायनले बयान जारी गरेर यसबारे जानकारी दिनुभएको हो । युक्रेनमा अष्ट्रेलियाली दुतावास र त्यहाँको कामकारवाही हाल ठप्प छ ।
युक्रेन छोड्ने कोसिस गरिरहेका अष्ट्रेलियाली जनताको मद्दतका लागि कर्मचारीलाई रोमानिया पठाइएको छ । यस्तै, अमेरिकी विदेशमन्त्री एन्टनी ब्लिङ्कनले सुरक्षा कारणलाई दृष्टिगत गर्दै युक्रेनमा बाँकी रहेका कुटनीतिज्ञलाई पोल्याण्डको लुव्यो जान भनिएको छ ।
उहाँले पुष्टि गर्दै यी कुटनीतिज्ञ राती पोल्याण्डमा बिताउने बताउनुभएको छ । एन्टनी ब्लिङ्कनले उनीहरु बाहिरिनु स्थायी नभएको बताउनुभएको छ । उहाँका अनुसार उनीहरु युक्रेनमा आफ्नो कामलाई जारी राख्नका लागि र आपतकालीन कन्सुलर सेवाका लागि नियमित रुपमा फर्किरहनेछन् । रातोपाटीबाट
प्रकाशित मिति: मंगलबार, फागुन १०, २०७८ १२:२२
