म्याग्दी । म्याग्दीमा पाँच महिनाको अवधिमा विभिन्न मुद्धामा फरार रहेका ६० जना अभियुक्तलाई पक्राउ गरिएको छ । अदालतबाट कसुरदार ठहर भई कैद र जरिवाना तोकिएका तर लामो समयसम्म कानुनको दायरामा नआएका अभियुक्तहरुलाई पक्राउ गरी अदालतको फैसला कार्यान्वयन गरिएको जिल्ला प्रहरी कार्यालय म्याग्दीका प्रहरी नायब उपरीक्षक मदन कुँवरले बताउनुभयो ।
कर्तव्य ज्यान, जबरजस्ती करणी, डाँका चोरी, सवारी ज्यान, लगायतका विभिन्न कसुरमा जिल्ला अदालत, म्याग्दीबाट कसुरदार ठहर भई कैद र जरिवाना तोकिएका अभियुक्तलाई पक्राउ गरी आवश्यक कारवाहीको लागि जिल्ला अदालत समक्ष पेश गरेको जिल्ला प्रहरी कार्यालय म्याग्दीले बुधवार आयोजना गरेको पत्रकार भेटघाट कार्यक्रममार्फत जानकारी दिएको हो ।
[embed]https://youtu.be/UyoO8oosqBA[/embed]
कसुरदारहरुलाई उल्लेखित मुद्दाहरुमा कुल एक सय ७ वर्ष ९ महिना २२ दिन कैद र ३५ लाख एक हजार नौं सय २२ रुपियाँ जरिवाना तोकिएको थियो । अपराध गरी समाजमा विभिन्न आवरणमा लुकिछिपी रहेका फरार व्यक्तिहरुको पहिचान गरी पक्राउ गर्ने अभियानलाई जिल्ला प्रहरी कार्यालयले प्रभावकारी रुपमा सञ्चालन गरेकाले प्रहरीलाई सफलता प्राप्त भएको प्रनाउ कुँवरले जानकारी दिनुभयो ।
[embed]https://youtu.be/6VAUGdViN0c[/embed]
जिल्ला प्रहरी कार्यालय म्याग्दीको नेतृत्व लिएपछि आफूले फरार अभियुक्तहरुलाई कानुनी दायरामा ल्याउने कामलाई प्राथमिकतामा राखेको उहाँले बताउनुभयो । यसैगरी, पाँच महिनाको अवधिमा लागू औषधका ६ वटा मुद्दा दर्ता र १२ जना लागूऔषध कारोवारी व्यक्तिहरु पक्राउ गरी आवश्यक कानुनी कारवाही गरिएको प्रहरीले जनाएको छ ।
[embed]https://www.tiktok.com/@myagdinews/video/7262668157825846530[/embed]
[embed]https://www.tiktok.com/@myagdinews/video/7262669253831183618[/embed]
