बेनी ।म्याग्दीको धवलागिरी गाउँपालिकाले स्वास्थ्य क्षेत्रलाई प्राथमिकता दिएर चालुु आर्थिक वर्ष २०८०÷८० को लागि ४८ करोड रुपैयाँ भन्दा बढीको पुुरक बजेट ल्याएको छ । गाउँपालिकाको केन्द्र मुुुनामा बिहिबार भएको २१ औ गाउँसभाले थप चार करोड बजेट बिनियोजन गरेको हो । गत असारको सभाले ४३ करोड ८९ लाख ५४ हजार बजेट बिनियोजन गरेको थियो ।
४८ करोड १२ लाख ९४ हजार रुपैयाँको संसोधित बजेट पारित भएको गाउँ कार्यपालिकाका प्रवत्ता देवेन्द्र रोकाले बताउनुभयो । विभिन्न ४२ वटा योजना तथा कार्यक्रमका लागि थप चार करोड २३ लाख ४० हजार रुपैयाँ बजेट बिनियोजन भएको हो ।
जेष्ठ नागरिक र अपाङ्गता भएका विपन्न नागरिकको स्वास्थ्य सेवामा पहुँच बढाउन दश लाख रुपैयाँ बजेट बिनियोजन भएको छ । गाउँपालिकाका अध्यक्ष प्रेमप्रसाद पुुनले सात वटै वडामा सर्ने÷नसर्ने दिर्घ रोग स्कृनिङ स्याटेलाइट क्लिनिक तथा औषधी वितरण कार्यक्रम मार्फत जेष्ठ नागरिक, अपाङ्ग, दिर्घरोगी र विपन्न नागरिकलाई घरदैलोमै स्वास्थ्य सेवा दिइने बताउनुभयो ।
‘चिकित्सक र स्वास्थ्यकर्मी घरघरमै पुुगेर परिक्षण, परामर्श र उपचार सेवा दिने व्यवस्था मिलाएका छौ,’ उहाँले भन्नुभयो ‘एक महिनाको लागि औषधी पनि निशूल्क उपलब्ध गराउछौ । यो कार्यक्रमले धवलागिरीमा स्वास्थ्य क्षेत्रमा जागरण र सुधार ल्याउने अपेक्षा गरेका छौ ।’
भौगोलिक रुपमा विकट र दुुर्गम क्षेत्रका सर्वसाधारणहरु गरिवी, चेतनाको कमी र स्वास्थ्य संस्थामा पहुँच नहुँदा रोग पालेर बस्नुपर्ने समस्या हट्ने उनले बताउनुभयो । गाउँपालिकामा आवश्यक पर्ने फलफुल र जडिवुुटीको बिरुवा उत्पादन गर्न पालिकालेनै नर्सरी स्थापना गर्न रु. पाँच लाख, सबै स्वास्थ्य संस्थामा शिशु स्वागत घर निर्माण र सञ्चालन गर्न पाँच लाख रुपैयाँ, भिडियो एक्सरे सेवा सञ्चालनका लागि युएसजी मेसिन खरिद गर्न आठ लाख रुपैयाँ बिनियोजन गरेको छ ।
अपाङ्ग स्वास्थ्य परिक्षण, परिचयपत्र वितरण तथा सहायता सामग्री वितरण गर्न पाँच लाख, ३० जना युुवाहरुलाई ३ महिने सिप सिकाई तथा प्रविधी हस्तान्तरण गर्न दश लाख, जोखिमयुुक्त घरहरुको जोखिम आवास बिमाका लागि दुुई लाख पचास हजार, आवधिक योजना बनाउन १२ लाख, जग्गा वर्गीकरण गर्न पाँच लाख, सबै विद्यालयमा विद्यार्थी गुुनासो पेटिका राख्न एक लाख पचास हजार रुपैयाँ बिनियोजन गरेको उपाध्यक्ष रेशम पुुनमगरले जानकारी दिनुभयो ।
गत आर्थिक वर्षको अधुुरा योजनाहरु मध्य मुुदी–खिवाङ सडक, मराङ एक घर, एक धारा, वडा कार्यालय भवन निर्माणलाई पूूर्णता दिन एक करोड पचास लाख रुपैयाँ बिनियोजन भएको छ । सभामा लेखा समितिका संयोजक देउप्रसाद छन्त्यालले पेश गरेको बेरुजुु फस्यौट सम्बन्धी प्रस्ताव पारित भएको छ । चालुु आर्थिक वर्षमा बिनियोजन भएको मध्य हाल चालुतर्फ ३४.४४ प्रतिशत र पँुुजिगत तर्फ ४.४४ प्रतिशत बजेट खर्च भएको प्रमुख प्रशासकीय अधिकृत कृष्ण प्रसाद सुवेदीले बताउनुभयो ।
८७ वटा योजना मध्य हालसम्म ११ वटा सम्पन्न भएका छन् । असोज देखि मंसिर महिनासम्म प्रशासकीय अधिकृत नहुँदा योजना र बजेट कार्यान्वयनमा समस्या भएको थियो । गत महिना प्रमुख प्रशासकीय अधिकृत आएको, ठेक्काका योजनाहरु प्रक्रीयामा लिएको र उपभोक्ता समितिसँग सम्झौता गर्न वडामै घुुम्ति शिविर सञ्चालन गरिने गाउँपालिका अध्यक्ष पुनले बताउनुभयो ।
