बेनी । म्याग्दीको पर्यटकीय स्थल टोड्केबाट बेनी नगरपालिका–१०, वाखेततर्फ आउँदै गरेको ग १ ज ७१०६ नम्बरको जीप सडकमा पल्टिएर दुर्घटना हुँदा चालकको मृत्यु भएको छ ।गएराती रघुगंगा गाउँपालिका–५,झिँको भालटोके पाखोमा जीप दुर्घटना हुदाँ चालक वाखेतका ५३ बर्षिय छबिलाल पुनको घटनास्थलमै मृत्यु भएको प्रहरी निरीक्षक एवम् सुचना अधिकारी राजन रायमाझीले जानकारी दिनुभयो ।‘दुर्घटनामा घाइतेको अवस्था सामान्य छ, सबैको डिस्चार्ज भयो’ रायमाझीले भन्नुभयो ।
उहाँका अनुसार ,जीपमा सवार वाखेतका ४२ वर्षिय गुन बहादुर पूर्जा र ४२ वर्षिय बिजय पाइजा घाइते हुनुभएको छ । जीप सडकमै पल्टिएको छ । दुर्घटनामा मृत्यु भएका र घाईतेको उद्धारका लागि बेनी नगरपालिका मेयर सुरत केसी सहितको टोली घटनास्थलमा पुग्नुभएको थियो । दुर्घटनाको जानकारी पाएपछि स्थानीयबासीले उद्धार गरेका थिए । दुर्घटना कसरी भयो भन्ने खुलेको छैन । रातको समय र अप्ठ्यारो सडक भएकाले दुर्घटना भएको हुनेसक्ने अनुमान गरिएको छ ।
प्रकाशित मिति: शनिबार, जेठ २६, २०८१ १२:३७
