काठमाडौँ । प्रधानमन्त्री केपी शर्मा ओलीले अमेरिकन खर्बपति व्यापारी तथा टेस्ला, एक्स जस्ता कम्पनीका मालिक एलन मस्कसँग भर्चुअल वार्ता गर्नुभएको हो।
उहाँले शुक्रबार मस्कसँग कुराकानी गरेको सामाजिक सञ्जाल फेसबुकमार्फत जानकारी दिनुभएको हो।
विशेषगरी मस्कको कम्पनी स्टारलिंकले नेपालमा सेटेलाइटबाट इन्टरनेट सेवा प्रदान गर्ने चासो देखाएको छ । यसअघि नै सञ्चार तथा सूचना प्रविधि मन्त्री पृथ्वी सुब्बा गुरुङलाई भेटेर कम्पनीकी निर्देशक रेबेका हन्टरले नेपालमा काम गर्न इच्छुक रहेको बताउनुभएको थियो ।
स्टारलिंकले विश्वका धेरै मुलुकमा सेटेलाइटबाट इन्टरनेट उपलब्ध गराउँदै आएको छ । यही क्रममा नेपालमा पनि लगानी गर्न कम्पनी इच्छुक रहेको भनिएकै बेला प्रधानमन्त्रीले मस्कसँग वार्ता गर्नुभएको हो। रातोपाटी
प्रकाशित मिति: शुक्रबार, मंसिर ७, २०८१ २१:२४
