काठमाडौं ।पाकिस्तानमा जारी रहेको नेत्रहिन टि ट्वान्टी विश्वकपमा नेपाल सेमिफाइनलमा प्रवेश गरेको छ ।
६ देश सहभागी विश्व कपमा चौथो स्थानमा रहँदै नेपालले पहिलो पटक सेमिफाइनलमा स्थान बनाएको हो । नेपालले सन् २०१२ देखि विश्व कपमा सहभागि हुँदै आएकोमा पहिलो पटक सेमिफाइनल पुग्न सफल भएको हो ।
आइतवार हुने सेमिफाइनलमा लिग चरणमा शीर्ष स्थानमा रहेको घरेलु टोली पाकिस्तानको सामना गर्दैछ । पाकिस्तानको टोलीले नेपाललाई लिग चरणको खेलमा १० विकेटको फराकिलो अन्तरले पराजित गरेको थियो ।
लिग चरणमा श्रीलंका, बंगलादेश र पाकिस्तानसँग पराजित नेपालले दक्षिण अफ्रिका र अफगानिस्तानलाई हराएको थियो । नेपालसँग पराजित दक्षिण अफ्रिका र अफगानिस्तान लिग चरणबाटै बाहिरिएका छन् ।
आइतवार नै हुने अर्को सेमिफाइनलमा बंगलादेश र श्रीलंका खेल्दैछन् । विश्व कपमा ६ टोलीको सहभागीता रहेको थियो । लिग चरणमा पहिलो चौथो टिम तथा दोस्रो र तेस्रोबीच सेमिफाइनल खेल हुनेछ । २ सेमिफाइनलका विजेताबीच डिसेम्बर ३ मंगलवार फाइनल खेल हुनेछ । हाम्रो खेलकुद
प्रकाशित मिति: शनिबार, मंसिर १५, २०८१ २१:३६
