बरंजामा स्थलगत तालिम संगै सिस्नोको पाउडर उत्पादन (फोटोफिचर)

म्याग्दी

गृहपृष्ठ
बरंजामा स्थलगत तालिम संगै सिस्नोको पाउडर उत्पादन (फोटोफिचर)

म्याग्दी न्युज संवाददाता शनिबार, चैत २३, २०८१

488956284_3798974937067056_4214100098288423334_n

बेनी । म्याग्दीको मंगला गाउँपालिका–४, बरंजा स्थित दुर्दीमा सिस्नोको पाउडर बनाउने तालिम सम्पन्न भएको छ । वडा कार्यालयको वार्षिक स्वीकृत सीप विकास कार्यक्रम अन्तर्गत उक्त तालिम संचालन गरिएको हो । गाउँपालिका कृषि प्राविधिक तारा बानियाँका अनुसार ,चार दिनसम्म संचालन भएको तालिममा १५ जना सहभागी भएका थिए ।आधारभुत तालिममा सिप सिकेपछि प्रशिक्षार्थीहरुले सिस्नो पाउडर समेत बनाएका छन् ।

शनिबार समापन कार्यक्रममा वडा अध्यक्ष लालबहादुर रोकाले स्थानीयलाई उत्पादन सँग जोड्न वडा कार्यालयले तालिम संचालन गरेको बताउनुभयो । तालिममा सिकेका सिपलाई सदुपयोग गर्न सकेमा जिविको पार्जनमा टेवा पुग्ने उहाँको भनाइ थियो ।स्थानीयको आवश्यकता र सम्भावनालाई ध्यानमा राखी वार्षिक कार्यक्रम निर्माण गर्ने साथै सहभागीले स्वीकृत भएको कार्यक्रमलाई प्रभावकारी कार्यान्वयन गरिरहेको बताउनुभयो ।

तालिममा बारीमा ,वनपाखामा झाडी बनेको सिस्नुलाई प्रशोधन , पाकेजिङ र लेभेलिङ गरेर बजारीकरण गर्ने सम्बन्धि प्रशिक्षण गराइएको थियो। तालिममा बिन्दु रोका पुन र दुर्गा नेपालीले तालिममा प्रशिक्षण दिएका थिए ।तालिममा प्रशिक्षार्थीहरुले सिस्नोको पाउडर प्रदर्शनि गरेका थिए ।गाउँपालिका कृषि विकास शाखाका प्राविधिक बानियाँले संचालन गर्नुभएको कार्यक्रममा प्रशिक्षक बिन्दु , निवर्तमान वडा सदस्य सुकमाया विक लगायतले बोल्नुभएको थियो ।

प्रकाशित मिति: शनिबार, चैत २३, २०८१ १५:२२