मालिका गाउँपालिकाको बिममा पदमार्ग निर्माण(तस्बिरहरु)

म्याग्दी

गृहपृष्ठ
मालिका गाउँपालिकाको बिममा पदमार्ग निर्माण(तस्बिरहरु)

म्याग्दी न्युज संवाददाता शुक्रबार, वैशाख १२, २०८२

padmarga main bima

बेनी ।म्याग्दीको मालिका गाउँपालिका–७, नरालेदेखि बिम्बाङ्ग जोड्ने पदमार्ग निर्माण भएको छ । पैदलयात्रीलाई जोखिमपूर्ण रहेको बाटोलाई गाउँपालिकाको वार्षिक स्वीकृत कार्यक्रम तथा प्रधानमन्त्री रोजगार कार्यक्रम अन्तर्गत सञ्चालित योजनाबाट बनाइएको हो ।भौतिक पूर्वाधार निर्माणसँगै स्थानीय सीप र सामुदायिक सहभागितामा १.५ मिटर चौडाइको नयाँ पदमार्गमा १ सय ४२ मिटर सोलिङ्ग, ३ सय ५० मिटर मर्मत र १ सय ४५ वटा सिँढी निर्माण सम्पन्न गरिएको छ । पदमार्गको निर्माणसँगै बिम्बाङ्ग क्षेत्रका बासिन्दाहरूलाई अन्त्येष्टिस्थलसम्म आवतजावतका लागि सहज भएको उपभोक्ता समिति अध्यक्ष भक्तबहादुर जुग्जालीले बताउनुभयो ।

योजना कार्यान्वयनसँगै ५० दिने सडक मर्मत तथा संभार तालिम प्रदान गरिएको मालिका गाउँपालिका रोजगार सेवाकेन्द्रकी संयोजक सावित्री गर्बुजाले बताउनुभयो । रोजगार कार्यक्रममा सहभागिलाई तालिमले स्थानीयस्तरमा दीर्घकालीन सीप विकास र आत्मनिर्भरताको आधार तय गरेको संयोजक गर्बुजाको भनाइ छ ।

उक्त पदमार्गका लागि ४ लाख १४ हजार बजेट रहेको थियो । गाउँपालिकाका रोजगार सहायक मिलन सुवेदीका अनुसार , सिमित बजेटमा समुदायस्तरका समस्या समाधानमा स्थानीयको भूमिका निकै प्रशंसनीय रहेको छ । एक सय दिनको रोजगारमा सहभागिले सरकारको योजना राम्रो भएपनि यसलाई र्दिघकालिन संरचना सहित बजेट व्यवस्थापन गर्न सहज हुने बताउनुभयो ।

प्रकाशित मिति: शुक्रबार, वैशाख १२, २०८२ १९:०३