साधन राम्जाली मगर
बेनी बुधबार माघ ९ गते । बेनी नगरपालिका – ४ राक्सेकी सुनिता आचार्य एकै पटक तीन सन्तानको आमा बन्दा चरम प्रशवपीडालाई समेत भुल्नुभयो । दोस्रो सन्तानको लागि सुत्केरी हुँदा उहाँले एकै पटक २ छोरा र एक छोरीलाई जन्म दिनुभएको थियो । तिम्ल्याह सन्तानलाई जन्म दिँदा उहाँ मात्रै होईन उहाँको परिवारमा खुसीको सिमा रहेन् । तर पारिवारिक आर्थिक अबस्था कमजोर रहेको आचार्य परिवारलाई यतिबेला भने तिम्ल्याह सन्तान हुर्काउन निकै सकस परेको छ ।
जन्म भएदेखि नै २ छोराको स्वास्थ्य अवस्था सामान्य रहेपनि छोरीको स्वास्थ्य अबस्था भने कमजोर भएपछि आचार्य परिवार निकै समस्यामा छन् । सल्यक्रिया मार्फत तीम्ल्याह सन्तान जन्मेलगत्तै आमा र बच्चा चारै जनालाई आईसियुमा राखेर उपचार गरिएको थियो । आमाको स्वास्थ्य अबस्था समेत कमजोर बनेपछि तीन नवजात शिशुहरु आफ्नो आमाको दुध सेवन गर्नबाट समेत बञ्चित भए ।
अहिलेसम्म उनीहरुलाई ल्याक्टोजन र गाइभैँसीको दुधको भरमा पालनपोषण गरिँदै आईएको आमा सुनिताले बताउनुभयो । तिम्ल्याह भाई बहिनी अहिले १८ महिनामा लागेका छन् । शारिरिक अस्वस्थताको कारण छोरीको उपचारमा अहिलेसम्म लाखौँ खर्च भैसकेको तिम्ल्याह सन्तानका बुबा राजुको भनाई छ । छोरीको स्वास्थ्यमा निमोनियाको समस्या देखिएको छ । आमा सुनिता समेत अहिलेसम्म तंग्रिन सक्नुभएकाे छैन् ।
‘‘तिम्ल्याह बच्चाको आगमनले घरमा उज्यालो ल्यायो, छोरी जन्मेदेखि नै विरामी हुन थालिन्, अहिलेसम्म ऋण खोजेरै उपचार गरेका छौँ, उनको उपचारमा हाम्रो क्षमताले भ्याउन निकै कठिन भएको छ’’ उहाँले भन्नुभयो । वि सं २०७४ साल असारमा पोखराको गण्डकी मेडिकल कलेजमा जन्मीएका तीम्ल्याह बालबालिकाहरुको हुकाई र उपचारमा सहयोग गर्न आचार्य परिवारले अपिल गर्नुभएकाे छ ।
भिडियाे हेर्नुहाेस् :
https://youtu.be/5EZe6vdwG6c
तिम्ल्याह सन्तानको आगमनले परिवारमा नसोचेको खुसी ल्याइदिए पनि शारिरिक अवस्था कमजोर भएकाले शारिरिक बृद्धिविकास , उपचार र पालनपोषणमा आएको आर्थिक समस्याले भने दुखित तुल्याएको आमा सुनिताले बताउनुभयो । पालनपोाण र उपचारका लागि अठार महिनाको अवधिमा मात्रै २३ लाख रुपियाँ भन्दा बढी खर्च भएको तिम्ल्याह शिशुका बुवा राजु आचार्यले बताउनुभयो । ‘‘अहिलेसम्म उपचारमा ९ लाख ऋण काढेका छौँ, महिनामा २ पटक अस्पताल लगेर उपचार गर्नुपर्छ, हरेक पटकको उपचारमा ठुलो खर्च हुने गरेको छ’’– उहाँले भन्नुभयो ।
![]()
घरपरिवारको आम्दानीको रुपमा घरमुली राजुको बैदेशिक रोजगारीले परिवारको आर्थीक व्ययभार धान्न सक्ने अबस्थामा छैन् । बुढेसकालमा एकै पटक तीन नातीनातिना देख्दा खुसीले गदगद भएका हजुरबुबा यज्ञप्रसाद आचार्य उनीहरुको हुर्काइबढाईमा आएको आर्थीक समस्याले गर्दा चिन्तीत भएका छन् । स्वास्थ्य अवस्था कमजोर संगै तिम्ल्याह बच्चाकी आमाको दुधले नपुग्ने भएपछि स्थानीय गाई, भैँसी र बजारमा पाइने ल्याक्टोजन खुवाउने गरेको बताउनुहुन्छ । आमाको दुध नआउने भएपछि दैनिक चार लिटर भैसीको दुध किनेर खुवाउनुपर्छ ।
आमा र बच्चाको उपचार पालनपोषणका लागि आफन्तले पनि केही सहयोग गरे पनि त्यो पर्याप्त नभएको हजुरबुुबा आचार्यले बताउनुहुन्छ । आचार्य परिवारले बालबच्चालाई अस्पतालमा पु¥याएर नियमित रुपमा उपचार गर्नुपर्ने समस्याले गाउँमा खेतीकिसानी समेत छाडेका छन् । घरमा गाई भैँसी समेत पाल्न छाड्नुपरेपछि बच्चाहरुको लागि दैनिक रुपमा चाहिने दुध समेत किनेर जोहो गर्नुपरेको छ । तीम्ल्याह बालबालिकाको हेरचाहमा ठुलो बुबा कृष्ण आचार्यका परिवारले सघाउँदै आएका छन् ।
तिम्ल्याह सन्तान हुर्काउन ठुलो आर्थिक भार व्यहोरेका आचार्य परिवारलाई आर्थिक बर्ष २०७४र०७५ मा बेनी नगरपालिकाले वडा कार्यालयको प्रस्ताबमा एउटा बोयर बोका सहयोग गरेको थियो । नगर कार्यपालिकाको वैठकको निर्णय अनुसार बुधवार आचार्य परिवारलाई तिम्ल्याह बच्चाहरुको पालनपोषणमा सहयोग पु¥याउन ३० हजार रुपियाँ सहयोग गरेको छ । नवविकल्प साप्ताहिकमा प्रकाशित
