खिबाङ आधारभुत विद्यालयको ६३औं जन्मोत्सव तथा नवनिर्मित भवनको उद्घाटन (तस्विर सहित)

राष्ट्रिय

गृहपृष्ठ
खिबाङ आधारभुत विद्यालयको ६३औं जन्मोत्सव तथा नवनिर्मित भवनको उद्घाटन (तस्विर सहित)

Suren Gurung सोमबार, वैशाख १३, २०७८

178672571_447445792987315_5429374332800948881_n

शिख । म्याग्दीको अन्नपुर्ण गाउँपालिका वडा नम्बर ६ स्थित खिबाङ आधारभुत विद्यालयले विविध कार्यक्रमको आयोजना गरेर आफ्नो ६३ औं बार्षिकोत्सव मनाएको छ । विद्यालयले आइतबार समाजसेवी क्याप्टेन रबिन्द्र गर्बुजा र गाउँपालिकाका अध्यक्ष क्याप्टेन डमबहादुर गर्बुजा पुनको उपस्थितीमा आफ्नो जन्मोत्सव मनाएको हो ।

कार्यक्रममा क्याप्टेन गर्बुजा र गाउँपालिका अध्यक्ष क्याप्टेन गर्बुजा पुनले जन्मोत्सवको शुभकामना व्यक्त गर्नुभयो । कार्यक्रममा विद्यालयका प्रअ टेकबहादुर खड्काले विद्यालयमा शैक्षिक तथा भौतिक पुर्वाधार विकासका लागि सबैको सहयोग आवश्यक रहेको बताउनुभयो ।कार्यक्रममा विद्यालयले अक्षयकोष स्थापना गर्ने दाताहरुलाई समेत सम्मान गरेको छ ।

यसैगरी कार्यक्रममा खिबाङ आमा समुहले ५ लाख रुपैयाँमा निर्माण गरेको गेट र जिल्ला आयोजना कार्यान्वयन इकाईद्धारा २३ लाख ९० हजार रुपैयाँ लागतमा निर्माण गरिएको दुई कोठे ट्रस भवनको उद्घाटन गरिएको छ । सोही अवसरमा गाउँपालिकाको दश लाख रुपैयाँ सहयोगमा विद्यालयमा बालमैत्री खेलकुद सामाग्री खरिद गरिएको छ । विद्यालय व्यवस्थापन समितिका अध्यक्ष क्याप्टेन जस बहादुर तिलिजाको सभापतित्व र शिक्षक लिलाधोज खड्काले कार्यक्रम सञ्चालन गर्नुभएको थियो । कार्यक्रममा सुवेदार सुन बहादुर गर्बुजा ,सुरेन पुन,मनबहादुर गर्बुजा लगायतको उपस्थिती रहेको थियो ।

प्रकाशित मिति: सोमबार, वैशाख १३, २०७८ १५:१२