बेनी । नेपाली कांग्रेस म्याग्दीले गण्डकी प्रदेशको आर्थिक बर्ष २०८२/८३ को योजना छनौट तथा बजेट बिनियोजनमा बिभिन्न शीर्षकमा बजेट सुनिश्चित गर्न माग गरेका छन् । बुधबार नेपाली कांग्रेस म्याग्दीका कार्यबाहक सभापति हरिकुमार श्रेष्ठको नेतृत्वमा समग्र जिल्लाको बिकासका लागि एक नगरपालिका र पाँच गाउँपालिकाको अति आबस्यक बिभिन्न शीर्षकमा रहेको योजनाहरु कार्यान्वयन तथा बजेट बिनियोजनको लागि नेपाल सरकार गण्डकी प्रदेशका मुख्यमन्त्री सुरेन्द्रराज पाण्डे तथा मन्त्रिपरिषदको कार्यालयलगायत सम्बन्धित कार्यालयका मन्त्रीहरुसंग भेटेर आवश्यक बजेट विनियोजन गर्न माग गरेका हुन् ।
उक्त भेटवार्ता कार्यक्रममा नेपाली कांग्रेस म्याग्दीका पुर्व सभापति एवम् सम्बिधान सभा सदस्य रेशमबहादुर बानियाँ, पुर्व सह–सभापति नेत्रबहादुर महत, उपसभापति कर्णबहादुर भण्डारी (केवी), पदाधिकारी सदस्य, महाधिबेसन प्रतिनिधि, गाउँपालिका सभापति, गाउँपालिका अध्यक्ष लगायत उपस्थिति रहेको नेपाली कांग्रेस म्याग्दीका सचिव हिराबहादर पुनले जानकारी दिनुभयो ।
आर्थिक गतिविधि बढाउनेसँगै सामाजिक चेतनाको स्तर र जीवनस्तर रुपान्तरण गर्ने विकास योजनालाई प्राथमिकता दिन समेत आग्रह गरेका छन् । स्थानीय तहका प्रमुख तथा जिल्ला समन्वय समितिका पदाधिकारीले स्थानीय तहको समन्वय, सहकार्यमा मात्र बजेट विनियोजन गर्न र हाल सञ्चालनमा रहेका योजना सम्पन्न गर्न पर्याप्त बजेट सुनिश्चित गर्नु सुझाव दिएका छन् ।
