म्याग्दी । काठमाडौंमा जारी नेकपा एमालेको ११ औँ राष्ट्रिय महाधिवेशनमा म्याग्दीबाट चार जनाले केन्द्रीय सदस्यमा उम्मेदवारी दर्ता गर्नुभएको छ । जिल्लाबाट हरिकृष्ण श्रेष्ठ, थममाया थापा, प्रकाश पौडेल र नरदेवी पुनले केन्द्रीय सदस्यमा उम्मेदवारी दिनुभएको हो ।निवर्तमान जिल्ला अध्यक्ष हरिकृष्ण श्रेष्ठले भुगोलबाट केन्द्रीय सदस्यमा उम्मेदवारी दिनुभएको छ ।
अनेरास्ववियुको अध्यक्षमा ७ भोटले पराजित भएका प्रकाश पौडेलले गण्डकीबाट युवा कलष्टरमा केन्द्रीय सदस्यमा मनोनयन दर्ता गराउनुभएको छ । त्यसैगरी पूर्व मन्त्री समेत भैसक्नुभएका थममाया थापा र नरदेवी पुनले समेत आदिवासी जनजाती महिला कलष्टरबाट केन्द्रीय सदस्य पदमा उम्मेदवारी दिनुभएको छ । नयाँ नेतृत्व चयनका लागि जारी एमाले महाधिवेशनमा केपि शर्मा ओली र इश्वर पोख्रेलले प्यानल बनाएर चुनाबी प्रतिस्पर्धामा होमीएका छन् ।
प्रकाशित मिति: सोमबार, मंसिर २९, २०८२ २२:३८
