बेनी,बिहिबार जेठ ३० गते । म्याग्दीमा कुपोषित बालबालिका र गर्भवति ,सुत्केरी महिलाहरुको तथ्याङक सार्वजनिक भएको छ । जिल्ला स्वास्थ्य कार्यालयको आयोजनामा बिहिबार बेनीमा आयोजित एक कार्यक्रमद्धारा तथ्याङक सावृजनिक गरिएको हो ।
गत बैशाख महिनाको २४ गतेदेखी जेठ तीन गतेसम्म महिला स्वास्थ्य स्वयंसेविका, स्वास्थ्य संस्थामा कार्यरत कर्मचारी तथा स्वास्थ्य कार्यालय म्याग्दीका कर्मचारीहरुको टोलिले सबै पाँच गाउँपालिका र एक नगपालिकाको वडा तहमा पुगेर तथ्याङक संकलन गरेको थियो ।
जिल्ला स्वास्थ्य कार्यालयका अनुसार पाँच बर्ष मुनिका बालबालिकाको संख्या ६ हजार ४ सय ५९ र ६ सय ६६ गर्भवती ,सुतकेरी महिलाको संख्या गरि सात हजार १ सय २५ जनाको तथ्याङक सार्वजनिक गरिएको छ । सार्वजनिक तथ्याङक अनुसार कुपोषण र कुष्ठ रोगको संख्या सदरमुकाम बेनी बजार र आसपासका बजारहरुमा बढी पाइएको स्वास्थ्य कार्यालय म्याग्दीका प्रमुख भिप्रसाद आचार्यले बताउनुभयो ।
म्याग्दी जिल्लाको पोषण लेखाजोखाको अवस्था ः
मालिका गाउँपालिकामा एक हजार ६७ जना पाँच बर्ष मुनिका बालबालिका मध्ये १५ जनामा जोखिम (पहेलो ) , एक जनामा अति जोखीम (रातो ) र १ सय ६२ जना गर्भवती ,सुत्केरी महिला मध्ये २ जनामा जोखिम (पहेलो ) र एक जनामा अति जोखिम (रातो ) ,धौलागिरी गाउँपालिकामा ९ सय ३६ जना ६ महिना देखी पाँच बर्ष मुनिका बालबालिका मध्ये ३५ जनामा जोखिम (पहेलो) र ५ जनामा अति जोखीम (रातो ) ,मंगला गाउँपालिकामा एक हजार १ सय ३ मध्ये १ जनामा जोखिम (पहेलो ) र अति जोखीम रातो शुन्य ,१ सय ८ गर्भवती,सुत्केरी महिला संख्या मध्ये जोखीम पहेलो शुन्य र अति जोखीम रातो शुन्य रहेको छ ।
बेनी नगारपालिकामा १५ सय ५५ छ देखी पाँच बर्ष मुनिका बाललबालिका मध्ये ३२ जनामा जोखीम (पहेलो) र २ जनामा अति जोखीम (रातो)े र १ सय ६५ गर्भवती,सुत्केरी महिलाको संख्या मध्ये ९ जनामा जोखीम (पहेलो )र ४ जनामा अति जोखीम (रातो) ,अन्नपुर्ण गाउँपालिकामा ८ सय ९८ जना ६ महिना देखी पाँच बर्ष मुनिका बालबालिका मध्ये १ जनामा जोखिम (पहेलो ) र अति जोखीम शुन्य र १ सय ४ गर्भवती,सुत्केरी महिलाको संख्या मध्ये ५ जनामा जोखिम (पहेलो) र अति जोखिम (रातो) शुन्य ,रघुगंगा गाउँपालिकामा ९ सय छ देखी पाँच बर्ष मुनिका बाललबालिका मध्ये १३ जनामा जोखिम (पहेलो) ,२ जनामा अति जोखिम (रातो ) जना र १ सय २७ जना गर्भवती,सुत्केरी महिलाको संख्या मध्ये १३ जनामा जोखीम (पहेलो) , २ जना अति जोखिम (राता)े रहेको भटिएको छ ।
कार्यक्रममा गण्डकी प्रदेश सभा सदस्य विनोद केसीले तथ्याङक सार्वजनिक संगै जिल्लामा रहेका कुपोषित र कुष्ठ रोगिको संख्या पहिचान गर्न सहज हुने बताउनुभयो । उहाँले कुपोषित र कुष्ठ रोग न्युनिकरणका लागि प्रदेश सरकार संग पहल गर्ने बताउनुभयो ।
कार्यक्रममा जिल्ला समन्वय समितिका प्रमुख देवेन्द्र बहादुर केसी र प्रमुख जिल्ला अधिकारी लिलाधर अधिकारीले जिल्ला रहेका कुपोषित तथा कुष्ठ रोगिको न्युनिकरणका लागि स्थानीय सरोकारवालाहरु सहित सबैले जोड दिनुपर्ने बताउनुभयो । जिसस प्रमुख केसीको अध्यक्षता तथा कुष्ठ रोग फोकल पर्सन मनिषकुमार महतोको संचालनमा कार्यक्रम समापन भएको थियो ।
