बेनी । नेपाली कांग्रेस म्याग्दीकी नेतृ तथा होटेल व्यवसायी बिमला गौचनले नेपाल प्रेस युनियन म्याग्दीलाई आर्थिक सहयोग गर्नुभएको छ । सोमबार एक कार्यक्रमका विच गौचनले आफ्ना श्रीमान स्वर्गिय राम गौचनको सम्झनामा प्रेस युनियनको अक्षयकोषलाई एक लाख रुपैयाँ सहयोग गर्नुभएको हो ।
उक्त रकम गौचनले प्रेस युनियन म्याग्दीका सभापति राकेश शर्मा ,केन्द्रीय पार्षद सदस्य हरिकृष्ण गौतम र युनियन म्याग्दीका उपाध्यक्ष धनिलाल गर्बुजालाई हस्तान्तरण गर्नुभयो । म्याग्दीमा क्रियाशिल पत्रकारहरुको आपतकालिन सहयोगको लागि निर्माण गरिएको पाँच लाखको अक्षयकोषलाई हालसम्म करिब साढे दुई लाख रुपैयाँ सहयोग प्राप्त भएको सचिव राम्जालीले जानकारी दिनुभयो ।
प्रकाशित मिति: सोमबार, जेठ ९, २०७९ १७:०९
