प्रथम ‘वान्टेड कप फाइभ ए साइड फुटसल’ प्रतियोगिताको उपाधि पुरुषतर्फ बीटिडी र महिलातर्फ म्याग्दी वर्कशपलाई

म्याग्दी

गृहपृष्ठ
प्रथम ‘वान्टेड कप फाइभ ए साइड फुटसल’ प्रतियोगिताको उपाधि पुरुषतर्फ बीटिडी र महिलातर्फ म्याग्दी वर्कशपलाई

म्याग्दी न्युज संवाददाता मंगलबार, चैत २६, २०८१

489738947_9163488363780930_1820305197561668893_n

बेनी । म्याग्दी सदरमुकाम बेनीमा प्रथम वान्टेड कप फाइभ ए साइड पुरुष तथा महिला फुटसल प्रतियोगिता सम्पन्न भएको । वान्टेड फ्याम्लीको आयोजना बेनी स्थित बेनी फुटसल मैदानमा राती सम्पन्न प्रतियोगितामा पुरुषतर्फ बीटिडी क्लब र महिलातर्फ Team SauraV (Myagdiworkshop) म्याग्दी वर्कशपले जितेको छ । उपाधि हात पारेको खुल्ला पुरुषतर्फको विजेता बीटिडीले ८० हजार रुपैयाँ सहित मेडल ,ट्रफी र प्रमाणपत्र हात पारेका छन् भने महिलातर्फ विजेता टिम सौरभ भी (म्याग्दी वर्कशपले नगद तीस हजार रुपैयाँ सहित मेडल ,ट्रफी र प्रमाणपत्र हात पारेको आयोजक फ्याम्लीका अध्यक्ष करन राम्जालीले जानकारी दिनुभयो ।

उहाँका अनुसार ,पुरुषतर्फ उपविजेता बनेको बौद्ध क्लब बेनी एमजी–ब्रडर्सले पचास हजार नगद सहित मेडल ,ट्रफी र प्रमाणपत्र तथा महिलातर्फ उपविजेता बनेको आयोजकले बीस हजार नगद सहित मेडल ,ट्रफी र प्रमाणपत्र हात पारेको छ । पुरुषतर्फ टिम पोखरा र महिलातर्फ उत्साही युवा क्लब अनुशासित टिम घोषित हुँदै क्रमश नगद ७ हजार र ५ हजार रुपैयाँ हात पार्न सफल भएका छन् । यसैगरी प्रतियोगितामा महिला र पुरुषतर्फ उत्कृष्ट खेलाडीलाई नगद सहित पुरस्कृत गरिएको थियो ।नेपाली कांग्रेस म्याग्दीका उपसभापति केवी भण्डारीले प्रतियोगिताको उद्घाटन गर्नुभएको थियो ।

फुटसलले शारीरिक तथा मानसिक रुपमा फाइदा पु¥याउने उपसभापति भण्डारीको भनाइ थियो ।प्रतीयोगितामा पुरुषतर्फ १७ टिम र महिलातर्फ ८ टिमले सहभागिता जनाएको वान्टेड फ्याम्ली अध्यक्ष राम्जालीले जानकारी दिनुभयो ।फ्याम्ली अध्यक्ष राम्जालीले प्रतियोगितालाई सफल बनाउन सहयोग गर्ने सबैलाई धन्यवाद व्यक्त गर्नुभयो ।

प्रकाशित मिति: मंगलबार, चैत २६, २०८१ २३:०६